暫時記得的只有這麼多，其他的都唔記得了...呵呵..^o^
(不過會不斷更新)
新 春 秋
我吃別人不吃的魚
BLOG 與禪
非官方的車公靈籤解
越思想界限的暴力 盡人性邊緣的血腥
關於遊樂場的一件舊事
六字大明咒
《百佳犯錯瞞天過海，市民無辜備受誤導》
懷念水 (這篇係我最睇唔明既文章..)
工資?貧富?新移民 (這個是我史上最痛苦既留言，打了2日2小時..因為我不斷重覆咁 delete 左3次..悲..><")
二○○六年十二月病史 (上)
一個愛煮麵條的女人 (這篇係我最感同身受既文章..)
啼笑皆非 (這個好像是我的第一個留言...)
狂人日記
Kindness (大師傅)
Trial (真正狂人)
GE (奇異)
Blessing (祝福)
林時拉夫斯基(仍然係我的新寵..^o^)
「每日一hae」十一：面試
「每日一hae」十：買
「每日一hae」八：提不起勁
「每日一hae」七：忍笑（生活篇）
鯤 鵬 居
燒開水 算心計
KALOS KAGATHOS
教師已死 (原來這個才是我的第一個留言..喵噢~)
年初六約了倉海君一干人等去狂人家拜年。
是次本大爺第一次涉足北角，正所謂 : 「出遠門做足準備」 :
早上 : 偷偷潛入弟弟房，鼠上佢張床，sa 走佢部手提電話後極速上班。
回到公司 : 立即check 放工那部廠車是去北角...「M5 .. ok ，收到。」
放工 : 捕在打咭機旁，夠鐘...立即打咭鬆人閃上車，瑟縮一角免被發現等開車。 轟...終於成功踏上征途啦，拿拿聲打比首領報告軍情後，便大安旨意地在車上看風景。
出事過程:
正當廠車穿越過海隧道時，腦裡突然「叮」一聲...「弊 ! 領0野，唔記得左究竟係邊個站落車..><"」港島區...我 only 認得中環、灣仔 & 銅鑼灣 only，北角...咩樣架?!!
OMG...立時環顧四周，死得，冇個同事係識既 ?! 心想冇[奶油]係個位度嗌上司機位 :「請問北角站0係邊」咁樣衰架...好不容易終瞄到個我比較熟的同事坐在我的背後，立即捉實她求救，不幸地她是在第一個站落車，也不知北角是第幾個站 !!! 好彩坐在我隔鄰既女同事聽到我們的對話，好心地給我指點迷津，總算能安全抵壘。
我這隻小羔羊腳踏實地後，即刻再打比首領意欲會合，怎料，出事啦 : 「你的電話餘額不足」
唔係掛，咁大鑊。舉目四周都冇電話亭喎，又唔好意思向路人借電話，唯有咋咋臨走去找酒家借電話。
第一間，個格局好高級啊，未入到去已有個知客姐姐企定定在門口係咁啤住你，好驚，即閃。
行到街尾，有第二間，嗯 ! 比較平民兼多人，我借電話都應該冇咁礙眼。於是靜雞雞咁逛了全場一圈扮找人...打擊呀，竟然沒有一角是讓客人打電話的呀，有冇搞錯呀，間酒家咁孤寒架，新界大部份茶樓都有電話角架喎，港島區d電話費係咪貴d架 ??!! 沮喪的我唯有死死氣地行去 cashier 到，鼓起最大既勇氣問個姐姐仔借電話打比首領求救。要命的是，他竟然還未到達現場，叫我自己找狂人。
噢...好慘呀，我焗住拿出那個只有外表的電話去記下狂人的電話號碼，在姐姐仔的電眼掃瞄下打比狂人先生救命，不知何解他對我咁有信心 : 都話左比佢聽我的情況及我係路癡黎架，佢竟然仲夠膽叫我一個人行一條街過去xx酒店和他會合，好啦，既然佢咁有信心，就信佢啦 ~(因他實在太長氣而唔到題，而一股怪異的氣氛又在我身邊漫延，姐姐仔一定在心裡咒罵緊我啦，有手提仲要借她的電話 ?! 我現在的情況實在和那些「賓賓」何其相似 !!!)在這種無形壓力下，我但求救快快收線逃離現場，唯有答應他去展開我的冒險之旅。
首先去到大街，確定自己的位置，直行了一段路...
e...還未到喎，思想掙扎開始了 : 該不該開口向路人問路呢 ?
環望四周，好像沒有一個可靠的人啊~心裡又擔心人家會以為我是那些電郵騙徒，怎辦 ?
適時，有一名警察先生迎面而來，很想向他問路但又驚他以為我是「自由行」而在大庭廣眾下check我身份證 or 在我截停他時以為我擊警而向我舉槍時點算，嘩...太樣衰喇，就係咁在思想掙扎期間便白白讓他在我身邊擦過。咁我唯有認命地繼續向前走，只是左望了一眼，右望了一眼之麻，就係咁連酒店的名字也忘記了。
好想打電話求救啊~但沿途都沒有酒家呢 ! 就這樣一直左望右望地向前行了不知多久，(心裡不斷咒罵狂人，又話間酒店在大街，直行便很容易找到既，騙人的啊~北角真的很大啊~) 突然好像有仙人指路般，我瞄到對面街的後面，好像隱約透出「酒店」這兩隻字，噢~立即後退去尋找這間傳說中的酒店。九曲十三彎地橫過幾條馬路，我終於到達「目的地」喇~ e...但何解一個熟悉的身影都冇既，莫非真的迷路了 ?!
在酒店大堂有不少旅客在等待，好不容易找到一個類似電話的物體，飛撲過去...唔係掛...竟然打唔出 ?! 在酒店門外徘徊了一會，真的不是辦法啊~ 唯有硬著頭皮再衝入去確定了它真的只是一個內線電話...打擊呀~
當機立斷的我，立即撤離酒店，走過隔鄰的便利店找電話打，命運又一次玩弄我啦...內裡兩部電話都是壞的，我只能再次出走，開始「尋找電話亭」的故事...
轉出便利店，街角的 有個 pccw 的電話亭，我出盡奶力去拉開那扇鬼打門，我頂，都是壞的，怎麼辦啊~已經 7:30 pm 了迷路超過半小時，我應否打道回府呢 ?
(待續)
雖然是代替品，但聊勝於無，如要我自己弄隻人型公仔，憑本大爺既手藝咁就九萬幾年都冇仇報喇 ...
而我是不會買原裝的，除了她不值得這個價錢之餘，我怕太過靈驗，有d驚驚..
所以說，不要得罪女人，特別是金牛座的女人。
*** *** *** ***
延伸閱讀 + 打字練習(2007年9月22日)
《心魔》
饒恕別人，本身是一種美德。饒恕者本身其實得到最大益處，那益處就是釋放。經過釋放，人變得輕省，外貌會更加美麗。這種美麗是從裡面滲出來的，不是用化妝品「堆砌」而成。
人往往愛報復。今天我受的痛楚，將來要加倍奉還給你。於是出現兩個可能：第一，是報不了仇，一味耿耿於懷，鬱鬱而終，日子過得不暢快；
第二，是成功報了仇，得到報仇的快感和滿足。
報仇也有不同的出路。一種是犯法式的報仇，另一種是非犯法的。前者可能惹來牢獄之災，後者則不受法律約束。
一心想要報仇的人，無論做到了，還是做來做去不能成功，內心都不會平安。你報了仇，自然擔心對方向你報復，因為你聽過有句話叫「冤冤相報何時了」。如果你報不了仇，那種內心的煎熬，不足為外人道。
驟眼看來，報仇用非犯罪的方式，豈非得其所哉？既不用受法律制裁，又可以得到了報仇的滿足和快感，那不是最好、最聰明的報仇途徑嗎？
事情並不是那麼簡單。原來，報仇是會上癮的。報仇的過程，是把自己的靈魂賣給魔鬼；當中的策劃，由魔鬼操縱，由魔鬼揸 fit 。於是盡管你已成功報仇，仍然會覺得仇人的痛苦不夠，你心癢癢的想再向他施以極刑。又或者，你見他受苦時的樣子，激發出你體內的虐待因子，你覺得樂透了，想繼續「享受」這種高度樂趣，於是密謀策劃下一次的行動……
參考 : 2006年12月2日 香港經濟日報 – 寫意 ; 作者 : 譚詠康
睇完倉生的「懷念水」，也來湊熱鬧學人抒發0下..
正經八百的哪些我不懂寫，例如 :人體構造有幾多 % 係水...水既典故...等等
我寫的只是我的「懷念」。
對於「水」我又愛又恨，不過用它來形容自己都適合。
平常時，我係一杯室溫的清水，無色無味存在都唔多覺，冇乜威脅性 (當然，你加鹽落我度時，我會係一杯咸水 ; 加糖時我會係一杯糖水。)
面對熟悉的朋友或興奮時，我會係稍微加熱既暖水 ;
面對不熟悉的朋友或不感興趣的事時，我會係雪了一陣的凍水 ...
[警告 : 請閣下小心控制溫度，不然我可能會因過熱而變成滾水或過冷成冰，而誤傷閣下!]
大多的時候，我係被生活蒸發掉的水蒸氣，升上天上的一舊雲或天性關係而長期潛水的深海海水。
我對水的愛恨記憶
幼稚園時代
幼兒的我是住在木屋，每當下雨天都會漏水，每次祖母餵我和弟弟食豉油撈飯時，我們就會望著雨水不斷滴進廳中的2隻膠桶當娛樂又或坐在門庭前看雨過日辰。少不更事的我，是沒有少年維特煩惱的，唯一覺得惱人的，就只算是雨水打落鐵皮屋頂時，滴滴答答的吵著人家睡覺。冬天情況還好，起碼可以大被過頭，夏天便很慘，要輾轉一段長時間才能入睡，幸當時年少，捱一兩晚通宵都仍龍精虎猛。
下雨期間，返學的路上都會水浸，祖母會揹著弟弟和夾著我去上學，以免我們弄濕鞋襪，但事實係每次都失敗兼我每次都好痛...(都唔明點解次次都係我比人夾著在腋窩下既..><) 終於有一次，我就在濕滑的走廊上跣跌落大坑渠，爬不上來地面。祖母為怕我遲到，夾硬單手揪我上來送校，她再回家取過套新的校服給我替換，結果我就這樣又濕又髒的一個人在校長室等她回來。 我不知道我常看醫生的記憶是否關這次意外事，總之我的幼兒記憶就是跌落坑渠->看醫生->浸「灰孟水」...
誰說小孩子都喜歡玩水架 ? 我就是由幼稚園開始討厭水。
下午班的小學時期
每天我都是在家吃過午飯才上學，每天我都會被祖母罵我是「駱駝」...足足被罵了6 年直至小學畢業。究其原因都只有一個，就是我討厭喝水 (不論是湯水、糖水還是汽水) ，更甚是每天她安排給我回校的一支300ml樽裝水，都只被我喝了一口便全數拿去淋花或原封不動地拿回家。我也不知道我是怎樣存活過來的。直至有一次，我不只討厭水咁簡單，直頭係忌水...
話說某年夏天，我們一家和舅父一家去了屯門的蝴蝶灣游水，不知是否那個年代的男人都是癡架，正當我係度享受緊條美味的腸仔時，我舅父夠膽死無啦啦走黎捉住我，噗通一聲就咁將我掉落海，話浸浸0下就會識游水架啦，佢都係咁學之麻，然後自己游左去...不用我多講，聰明的閣下都估到我的下場了...
沒錯...很快我便沒頂了...勁咸的海水充斥著我的眼耳口鼻喉嚨，正當我以為我快死了的時候，我舅父才像捉雞仔般一手執番我上岸，還要責怪我冇鬼用，多得佢英明神武咁發現我咁鬼耐都唔浮番上水面，只見我在水底手腳「燦燦」...(下刪幾百字)...就係咁..我就開始忌水喇....
中學年代初
自那次遇溺事件後，便一直沒再去游水，但命運不是由你我可以控制的。
初中時，我那間鬼打Band 1 中學的體育堂，除了一般的打波跑步，好景不常地，竟還有急救、跳舞和游水...鬼整佢學校本身既然都冇泳池，就應該作罷啦，竟要勞師動眾跨區 book 公共泳池..
好無奈，當年的我係一個超乖既模範學生，so 係唔會走堂既，就係咁迫我無啦啦受了次心靈重創喇... (如果沒有以下事故的話，我應該可以成功學懂游水添... )
就是因為多年的童年陰影，第一堂我便用了比其他同學更久的時間去浮水，正當有少少成績之際，我只不過忍不住的歡呼了一聲，便被老師指責我不守紀律，即時在泳池邊罰企，可憐我臉皮薄兼多年來都是學校的特權份子，實在受不起這樣子的屈辱，結果病了一段日子，連最後一堂都不用去了。忌水的生涯便從此和我形影不離...
還有其他...印象最深刻的，要算中三、四那年無啦啦比其他班的同學當面贈了句 :「紅顏禍水...獲利回吐...」大佬呀，關我鬼事咩，點鬼知有人會同一時間喜歡我咩，知我就晨早彈開九丈遠啦，仲會企係度比你串句我十年後才懂的術語咩 (沒錯，當年天真無邪的我仲夠膽死即時問人點解，佢就扮晒高人咁「你真的很天真啊，遲d你就會明...」現在回想起都不禁爆番句 : 「頂」...可恨到現在還未有人成功發明時光機) ...就算連戀愛，都離不開個水字...唉 ! 但身為黎明粉絲的我，我打死堅持唔會唱「給我一杯忘情水...」我堅持、我堅持、堅持...呵呵。
弊 ! 吹得太多不應吹既水，又係時候煲乾水...
特徵 : 有名你叫，我路過架咋，非長駐，so 不要 expect 我會時常更新。更甚的是我係隱藏版既潛水員，幾罕有架，還要有d運氣先碰到我，職業經常性長期潛水，但總會有蒲頭既時候..^^
年紀 : 話成年又得，話未成年又得...得左...^V^
絕技 : 睡、食同睇電視 (另加中文打字超慢，大約一分鐘一至三個中文字)
興趣 : 上至天文、下至地理、左至玩具、寵物、右至是非黑白，聽到就聽，懂就答兩句，聽唔懂都會扮明白 (放心..^^) 順帶一提，本小姐AL中文聆聽的成績係 U (即係*渣兜) 請不要對我有太大的期望啊~~~
展望 : [嚴重警告閣下，本人係十分危險的，極有潛質做恐怖份子，會因小事 (可能係一兩句說話而已) 而突破臨界點繼而失控暴走狂飆。] 本人的偉大夢想係消滅地球，統治全宇宙...呵呵呵...當然這些尚在計劃中 (我每晚躺在床上不能即時入睡前的一分半秒自我陶醉..)
.gif){kind=link}