鎖國政策

警告 : 「提不起勁症」原來是會傳染的，本大爺已不幸中招並且certified，even 放假在家休養生息仍無濟於事。大鑊 ! 要響警報。

話說昨天早上起來，家中的最高領導人竟然出了街去hae，餘下兩名小孤雛在巢中。
人肚餓，自然會找東西食的，不幸的是，因本大爺已病入膏肓，竟然餓到癱軟在床上也不願動。寧願吃曲奇餅充饑 (作用不大) ，亦提不起勁去換衫落街食飯。

在兵盡糧絕*1的情況下，唯有用 msn 和我的弟弟交代遺言。

我 : 好肚餓呀
弟 : 咁煮飯 law
我 : 好眼瞓呀 (然後繼續癱係張床度)
我 : 好肚餓呀 (見細佬冇乜反應，加多句)
弟 : 咁我煮飯 law
我 : 吓...(太愕然啦，我家的大少竟然會煮飯，唔係掛，佢最叻係煮杯麵咋喎，屋企 e+都冇杯麵)
弟 : 等陣去炒飯，咁你食蝦醬味定腐亂味 ? (嘩...竟然仲有得揀添 ，立即嗌出廳交代食咩，呵。)

15 mins 後，我又繼續msn: 好肚餓呀
弟 : 咁煮飯
我 : 幾時有得食 (得寸進尺)
弟 : 1:30 pm 煮 (當時係 1:00 pm)

5 mins 後...

我 : 好肚餓，你快d去煮
他終於頂唔順我d密集攻勢而去炒飯，我立即搶攻返廳果部電腦等食飯。
e...原來我細佬d手藝都唔錯喎，個蝦醬火煺炒飯簡單得黎好好味呀~

事後我當然好有人性咁幫手洗碗啦，所以話，幾時都係做大既好，呵呵。

(嗱! 我都話「提不起勁症」的解毒方法係食番餐人間美味架啦，事實證明「回魂飯」真係有效架。)

*****

而今早，唔...正確d講係今午，大爺我都仲未瞓醒已被家中話事人剷起身食飯。
一見到檯飯，不禁嘩左聲 : 「有冇搞錯呀，今日咩日子呀，做節呀 ?! 」十餱一湯*2，白飯任裝，十條友黎食都食唔晒啦，早餐咋喎咁鬼誇，點搞呀?!

我家真的「貧富懸殊」得咁鬼厲害，確實貫徹「三更窮，五更富」。 當然有不少友人曾因此而極想來我家作客，但有不少更因此而不敢再上來我家，原因有機會再述。
另自我上班後，家中已實施鎖國政策，恕不招待生客，不好意思了。

至此，各位係咪有d看不明白呢 ? 沒錯，大爺我確實在「晒命」，呵呵。


註:
1: 我的家的慣例是，有女生在家，男生是永不入廚房的。如果全屋的女性不在家，就真係連水都冇得飲。
2: 十餱有 : 豉汁蒸白鱔，煎鮫魚，蒸黃花魚，炒椰菜，炒豆角，瀨尿蝦，咸魚蜆干魷魚筒，火煺炒蛋，干貝豬肉蒸水蛋 & 薑蔥雞翼。

我信別人不信的人

年初六約了倉海君一干人等去狂人家拜年。
是次本大爺第一次涉足北角，正所謂 : 「出遠門做足準備」 :

早上 : 偷偷潛入弟弟房，鼠上佢張床，sa 走佢部手提電話後極速上班。
回到公司 : 立即check 放工那部廠車是去北角...「M5 .. ok ，收到。」
放工 : 捕在打咭機旁，夠鐘...立即打咭鬆人閃上車，瑟縮一角免被發現等開車。 轟...終於成功踏上征途啦，拿拿聲打比首領報告軍情後，便大安旨意地在車上看風景。
出事過程:
正當廠車穿越過海隧道時，腦裡突然「叮」一聲...「弊 ! 領0野，唔記得左究竟係邊個站落車..><"」港島區...我 only 認得中環、灣仔 & 銅鑼灣 only，北角...咩樣架?!!
OMG...立時環顧四周，死得，冇個同事係識既 ?! 心想冇[奶油]係個位度嗌上司機位 :「請問北角站0係邊」咁樣衰架...好不容易終瞄到個我比較熟的同事坐在我的背後，立即捉實她求救，不幸地她是在第一個站落車，也不知北角是第幾個站 !!! 好彩坐在我隔鄰既女同事聽到我們的對話，好心地給我指點迷津，總算能安全抵壘。
我這隻小羔羊腳踏實地後，即刻再打比首領意欲會合，怎料，出事啦 : 「你的電話餘額不足」
唔係掛，咁大鑊。舉目四周都冇電話亭喎，又唔好意思向路人借電話，唯有咋咋臨走去找酒家借電話。
第一間，個格局好高級啊，未入到去已有個知客姐姐企定定在門口係咁啤住你，好驚，即閃。
行到街尾，有第二間，嗯 ! 比較平民兼多人，我借電話都應該冇咁礙眼。於是靜雞雞咁逛了全場一圈扮找人...打擊呀，竟然沒有一角是讓客人打電話的呀，有冇搞錯呀，間酒家咁孤寒架，新界大部份茶樓都有電話角架喎，港島區d電話費係咪貴d架 ??!! 沮喪的我唯有死死氣地行去 cashier 到，鼓起最大既勇氣問個姐姐仔借電話打比首領求救。要命的是，他竟然還未到達現場，叫我自己找狂人。
噢...好慘呀，我焗住拿出那個只有外表的電話去記下狂人的電話號碼，在姐姐仔的電眼掃瞄下打比狂人先生救命，不知何解他對我咁有信心 : 都話左比佢聽我的情況及我係路癡黎架，佢竟然仲夠膽叫我一個人行一條街過去xx酒店和他會合，好啦，既然佢咁有信心，就信佢啦 ~(因他實在太長氣而唔到題，而一股怪異的氣氛又在我身邊漫延，姐姐仔一定在心裡咒罵緊我啦，有手提仲要借她的電話 ?! 我現在的情況實在和那些「賓賓」何其相似 !!!)在這種無形壓力下，我但求救快快收線逃離現場，唯有答應他去展開我的冒險之旅。

首先去到大街，確定自己的位置，直行了一段路...
e...還未到喎，思想掙扎開始了 : 該不該開口向路人問路呢 ?
環望四周，好像沒有一個可靠的人啊~心裡又擔心人家會以為我是那些電郵騙徒，怎辦 ?
適時，有一名警察先生迎面而來，很想向他問路但又驚他以為我是「自由行」而在大庭廣眾下check我身份證 or 在我截停他時以為我擊警而向我舉槍時點算，嘩...太樣衰喇，就係咁在思想掙扎期間便白白讓他在我身邊擦過。咁我唯有認命地繼續向前走，只是左望了一眼，右望了一眼之麻，就係咁連酒店的名字也忘記了。
好想打電話求救啊~但沿途都沒有酒家呢 ! 就這樣一直左望右望地向前行了不知多久，(心裡不斷咒罵狂人，又話間酒店在大街，直行便很容易找到既，騙人的啊~北角真的很大啊~) 突然好像有仙人指路般，我瞄到對面街的後面，好像隱約透出「酒店」這兩隻字，噢~立即後退去尋找這間傳說中的酒店。九曲十三彎地橫過幾條馬路，我終於到達「目的地」喇~ e...但何解一個熟悉的身影都冇既，莫非真的迷路了 ?!
在酒店大堂有不少旅客在等待，好不容易找到一個類似電話的物體，飛撲過去...唔係掛...竟然打唔出 ?! 在酒店門外徘徊了一會，真的不是辦法啊~ 唯有硬著頭皮再衝入去確定了它真的只是一個內線電話...打擊呀~
當機立斷的我，立即撤離酒店，走過隔鄰的便利店找電話打，命運又一次玩弄我啦...內裡兩部電話都是壞的，我只能再次出走，開始「尋找電話亭」的故事...
轉出便利店，街角的 有個 pccw 的電話亭，我出盡奶力去拉開那扇鬼打門，我頂，都是壞的，怎麼辦啊~已經 7:30 pm 了迷路超過半小時，我應否打道回府呢 ?

(待續)

死牛一面餅

到手喇...到手喇...

報復行動一觸即發...嘩哈哈..

雖然是代替品，但聊勝於無，如要我自己弄隻人型公仔，憑本大爺既手藝咁就九萬幾年都冇仇報喇 ...

而我是不會買原裝的，除了她不值得這個價錢之餘，我怕太過靈驗，有d驚驚..

所以說，不要得罪女人，特別是金牛座的女人。

*** *** *** ***

延伸閱讀 + 打字練習(2007年9月22日)

《心魔》
饒恕別人，本身是一種美德。饒恕者本身其實得到最大益處，那益處就是釋放。經過釋放，人變得輕省，外貌會更加美麗。這種美麗是從裡面滲出來的，不是用化妝品「堆砌」而成。
人往往愛報復。今天我受的痛楚，將來要加倍奉還給你。於是出現兩個可能：第一，是報不了仇，一味耿耿於懷，鬱鬱而終，日子過得不暢快；
第二，是成功報了仇，得到報仇的快感和滿足。
報仇也有不同的出路。一種是犯法式的報仇，另一種是非犯法的。前者可能惹來牢獄之災，後者則不受法律約束。
一心想要報仇的人，無論做到了，還是做來做去不能成功，內心都不會平安。你報了仇，自然擔心對方向你報復，因為你聽過有句話叫「冤冤相報何時了」。如果你報不了仇，那種內心的煎熬，不足為外人道。
驟眼看來，報仇用非犯罪的方式，豈非得其所哉？既不用受法律制裁，又可以得到了報仇的滿足和快感，那不是最好、最聰明的報仇途徑嗎？
事情並不是那麼簡單。原來，報仇是會上癮的。報仇的過程，是把自己的靈魂賣給魔鬼；當中的策劃，由魔鬼操縱，由魔鬼揸 fit 。於是盡管你已成功報仇，仍然會覺得仇人的痛苦不夠，你心癢癢的想再向他施以極刑。又或者，你見他受苦時的樣子，激發出你體內的虐待因子，你覺得樂透了，想繼續「享受」這種高度樂趣，於是密謀策劃下一次的行動……

參考 : 2006年12月2日 香港經濟日報 – 寫意 ; 作者 : 譚詠康