2009年6月10日星期三

七不思議事件

一.
昨天工作的地方來了個沉魚落雁美人,靚女到極想提名她去選港姐 (但應該不入三甲,因為她太乖巧,而且太浪費了她。)她的出現令在場女性熱血沸騰,不斷借故親近,本人更妄想和她合照留念(最後當然懸崖勒馬,以免嚇壞她XD)。可是,現場所有雄性動物卻極奇冷靜,連些少的喜形於色都沒有,莫非工作的壓力真的大得這麼誇張 ??

二.
昨天,公司的一個清潔大叔突然走來和我說 : 你真的很像我的一個朋友,不過你沒可能是她啦
我 : @@ (心想 : 我都知)
大叔 : 我和你都唔同宗教,沒可能在那兒出現的啦... (個樣繼續自我陶醉)
我 : @@ + O (係一定冇可能架 =.=")
大叔 : 不過...如果生女似亞媽既,都有可能架... 佢如果早結婚應該生得出有你咁大既女囉...
我 : 吓~ (乜我亞媽識你架咩 ? 世事有冇咁翹呀~ OO)
大叔突然從身上攞左本相簿出來 : 嗱嗱嗱,呢個我以前個 fd,好似架,係廿幾三十年前影架...
我 : (快抓狂啦~OOOOO) 啊~係喎,隻眼真係幾似喎...
大叔 : 唔係,係個鼻呀~
我 : (啤....@@) 哦...係喎,佢係咪你以前d 女朋友呀 ?
大叔跟手速逃,因為吹水吹得太耐定心虛呢 ???
唉! 唉! 唉!

三.
周未去了魚排釣魚,同陽光海水玩遊戲玩左成日,再加兩餐海鮮大餐,除了曬燶左之外,竟然無任何敏感症狀。究竟係身體健康左抵抗力高左 ? 定還是老了,少少的刺激沒啥大不了 ?

四.
人工明明不高 (直頭係奀添),但不知何解,硬係好似有好多錢可以用咁,試過係人工幾倍既代支,可以幾個月後先 claim,公司內好似冇乜邊幾個可以咁豪,究竟公司真係咁信得過定還是我係傻架 ?(還好從未試過負債,連咭數都沒有,不然拆埋d利是都唔夠俾息。XD)

五.
明明轉左份hea 工,但硬係掛住之前份非人生活,我可能係被虐狂 ?! XD

六.
私人時間多了,吾日三省吾身之習慣又回歸其正常軌跡。空空如也的腦袋開始變得沉重了 -- 產生孰人孰貓之身份疑惑、信與不信之搖擺、甚至開始為自己進行倒數... XD

七.
此 blog update 既 frequency 明明係大約一年一篇,不知為何會頻密左咁多~ ?
可能係缺氧太久...XDDD

4 則留言:

Alan 說...

第一不可思議事件,讓我聯想起從日本來的新名詞「草食男」...

不過話說回頭,身為「雜食男」的我,還是覺得在公司發展關係風險高回報低。拍拖有時不是朝見晚見,偶爾見一見才過癮。朝夕相對返工還要對著,多不爽。再加上公司的複雜情況,追不追到都有比跟公司外面的人拍拖風險大得多,所以我會選擇可免則免...

過路貓小姐 說...

我倒沒想得這樣深入啊~
他們年紀還是很小,在我們的地方實習而已~
反而覺得他們幾乖,專心工作,不用我出動狼牙棒~ XD

倉海君 說...

沉魚落雁美人?

影相啦唔該,我完全唔信你d眼光...

過路貓小姐 說...

今次真係靚到啪啪聲架~
連我個同事都激讚佢~
如果我之前讚靚果 d 有6分
呢個肯定有8分~^^

相呢...有機會既話我就偷張啦~(不過已成功取得她的mobile no... 嘻嘻~ ^^v)