2007年1月21日星期日

自我介紹

特徵 : 有名你叫,我路過架咋,非長駐,so 不要 expect 我會時常更新。更甚的是我係隱藏版既潛水員,幾罕有架,還要有d運氣先碰到我,職業經常性長期潛水,但總會有蒲頭既時候..^^

年紀 : 話成年又得,話未成年又得...得左...^V^

絕技 : 睡、食同睇電視 (另加中文打字超慢,大約一分鐘一至三個中文字)

興趣 : 上至天文、下至地理、左至玩具、寵物、右至是非黑白,聽到就聽,懂就答兩句,聽唔懂都會扮明白 (放心..^^) 順帶一提,本小姐AL中文聆聽的成績係 U (即係*渣兜) 請不要對我有太大的期望啊~~~

展望 : [嚴重警告閣下,本人係十分危險的,極有潛質做恐怖份子,會因小事 (可能係一兩句說話而已) 而突破臨界點繼而失控暴走狂飆。] 本人的偉大夢想係消滅地球,統治全宇宙...呵呵呵...當然這些尚在計劃中 (我每晚躺在床上不能即時入睡前的一分半秒自我陶醉..)


介紹完畢,多謝收看,不設收費。
*p.s. [渣]字我係知道用[手]字部,但奈何出唔到,只見 [? ]一大個,唯有用[水]字部呢個頂住先。(重申 : 我只係聆聽理解有問題,但不是文盲。)

3 則留言:

舒爾賽 說...

唔好意思,我都係路過的
特徵項:長註應為長駐
"手查"本字應為抯

過路貓小姐 說...

過路貓小姐 提到...
Many Thanks. 「駐」字已更正。^^
至於這個「抯」字,我未見過兼未用過,so 拒絕接受。
Anyway, 還有非常謝謝你。
=^^=
10:09 上午 (原文)

因為手多切換了blogger to Google 帳戶,所有留言者都變了怪獸...
真不好意思啦...

備註 : 第一個message 係舒爾賽。

Arael 說...

要揾呢個字-揸?

我細個時都用過倉頡,不過后來發現倉頡很不適合作文用,除非你真的用得好熟. 現今就用國語拼音了. 缺點是打廣東話比較麻煩.

亂碼是blogger的bug?